Related Articles
திசையன்விளை,
குலசேகரன்பட்டினம் முத்தாரம்மன் கோவில் தசரா திருவிழாவை முன்னிட்டு திசையன்விளையில் தசரா பொருட்கள் விற்பனை மும்முரமாக நடைபெற்று வருகிறது.
தசாரா திருவிழா
தூத்துக்குடி மாவட்டத்தில் பிரசித்தி பெற்ற கோவில்களில் குலசேரன்பட்டினம் முத்தாரம்மன் கோவிலும் ஒன்று ஆகும். இங்கு ஆண்டு தோறும் நடைபெறும் தசரா திருவிழா மிகவும் சிறப்பாக நடைபெறும். திருவிழா கொடியேற்றத்துடன் தொடங்கி தொடர்ந்து 10 நாட்கள் நடைபெறும். இந்த ஆண்டுக்கான திருவிழா இன்று கொடியேற்றத்துடன் தொடங்குகிறது. விழாவின்போது ஆயிரக்கணக்கான பக்தர்கள் கையில் காப்பு கட்டி விரதமிருந்து பல்வேறு வகையான வேடங்கள் அணிந்து கிராமம், கிராமமாக சென்று காணிக்கை பெற்று கோவிலில் செலுத்துவது வழக்கம்.
வேடப்பொருட்கள் விற்பனை…
தசரா திருவிழா கொடியேற்றம் நடைபெறுவதால் வேடம் அணியும் பக்தர்களுக்கு என பல்வேறு வகையான பொருட்கள் திசையன்விளை பஜாரில் விற்பனைக்காக வந்து குவிந்துள்ளது. அம்மன் கிரீடங்கள், காளி, விநாயகர், அனுமன், ராஜா, ராணி, குரங்கு, கரடி, புலி, சிங்கம் என பல்வேறு வகையான வேட பொருட்கள் திசையன்விளை பஜாரில் உள்ள கடைகளில் விற்பனைக்காக குவிந்துள்ளன. ரூ.50 முதல், ரூ.5 ஆயிரம் வரையிலும், பல வண்ண கலர்களிலும் விற்பனைக்கு வந்துள்ளன. வேடம் அணியும் பக்தர்கள் தங்களுக்கு தேவையான பொருட்களை மும்முரமாக வாங்கி செல்கின்றனர்.
நன்றி : தினத்தந்தி
