Related Articles
திருச்செந்தூர் சட்டப்பேரவைத் தொகுதியில் பழுதான சாலைகளைச் சீரமைக்க வேண்டும் என அனிதா ஆர். ராதாகிருஷ்ணன் எம்எல்ஏ கோரிக்கை விடுத்துள்ளார்.
இதுதொடர்பாக தூத்துக்குடி நெடுஞ்சாலைத் துறை கோட்டப் பொறியாளர் பாலசுப்பிரமணியனிடம் செவ்வாய்க்கிழமை அவர் அளித்த மனு விவரம்:
திருச்செந்தூர் பேரவைத் தொகுதிக்குள்பட்ட சாலைகள் பெரும்பாலும் பழுதடைந்த நிலையில் உள்ளன. தூத்துக்குடி-திருச்செந்தூர், கன்னியாகுமரி-திருச்செந்தூர், திருநெல்வேலி-திருச்செந்தூர் சாலைகளின் இணைப்பு பகுதிகள் பல ஆண்டுகளாக பழுதடைந்த நிலையில் காணப்படுகின்றன.
முருகன்குறிச்சி- பிச்சிவிளை-சீர்காட்சி- உடன்குடி சாலை, திருச்செந்தூர்- மெஞ்ஞானபுரம் சாலை, உடன்குடி – பரமன்குறிச்சி சாலை, பரமன்குறிச்சி – காயாமொழி – திருச்செந்தூர் இணைப்புச் சாலை, நாசரேத்- மூக்குப்பேரி – குரும்பூர் சாலை ஆகியவை மிகவும் பழுதான நிலையில் உள்ளன.
மேலும், தென்திருப்பேரை- குரங்கணி- ஏரல் சாலை, உடன்குடி – படுக்கப்பத்து- பெரியதாழை சாலை, குரும்பூர் – வெள்ளக்கோவில் சாலை, உடன்குடி – திசையன்விளை சாலை, மெஞ்ஞானபுரம் – முதலூர் சாலை, சோனகன்விளை – பூச்சிக்காடு- காயாமொழி சாலை, பிச்சிவிளை – நா.முத்தையாபுரம்- திருச்செந்தூர் இணைப்புச் சாலை, ஆத்தூர்- புன்னக்காயல் சாலை, திருச்செந்தூர் – ஆத்தூர் சாலை, காயாமொழி – கச்சினாவிளை சாலை, சேதுக்குவாய்த்தான் – தெற்கு ஆத்தூர் சாலை, அடைக்கலாபுரம் – ராணி மகாராஜபுரம் சாலை ஆகியவையும் பழுதான நிலையில் காணப்படுகின்றன.
கூர்ந்தான்விளை சாலை, வன்னிமாநகர் சாலை, நாகன்யாபுரம்- மூலக்கரை சாலை, மெஞ்ஞனைபுரம் – வாத்தியார் குடியிருப்பு சாலை, வரன்டியல் சாலை ஆகியவையும் பழுதான நிலையில் காணப்படுவதால் சாலைகளை புதுப்பித்து தர வேண்டும் என மனுவில் தெரிவிக்கப்பட்டுள்ளது.
நன்றி : தினமணி
